11 iyun kuni poytaxtimizdagi Amir Temur xiyobonida Harbiy musiqa akademik litseyini bitiruvchilariga tantanali diplom topshirish marosimi bo‘lib o‘tdi.

Tarix va zamonaviylik uyg‘unlashgan ushbu maskanda yosh bitiruvchilar o‘z ijodiy yo‘lining muhim bosqichini yakunlab, professional kelajak sari ishonch bilan qadam tashlashdi.
Bugun bu yoshlar nafaqat ta’lim muassasasining bitiruvchilari, balki san’at, madaniyat va jamiyatning ma’naviy rivojiga xizmat qilishni oliy qadriyat deb biladigan yangi avlod musiqachilarining vakillaridir. Ular o‘z iste’dodi, intizomi va mahorati bilan mamlakatning musiqiy merosiga hissa qo‘shishga hamda uni katta sahnalarda munosib tarzda targ‘ib etishga tayyor.
Yoshlarimizga yorqin hayotiy va ijodiy yo‘l, ilhom, yorqin chiqishlar va san’at hamda Vatanga xizmat qilishda ulkan muvaffaqiyatlar tilaymiz!

Konsert dasturi o‘quvchilarning yuksak ijrochilik mahorati, sahna madaniyati va musiqiy salohiyatini namoyon etdi.

 Ushbu yorqin va mazmunli dastur — litsey direktori R. Nigmatov rahbarligidagi iste’dodli o‘quvchilar, fidoyi ustozlar, konsertmeysterlar, direktor o‘rinbosari Q. Ismailov katta jamoaning samarali va hamjihat mehnati mahsuli bo‘ldi.

 Konsert tomoshabinlarda unutilmas taassurot qoldirdi va litsey ijodiy jamoasining yuksak salohiyatini yana bir bor namoyish etdi.